Üsi Uftritte & Aläss im 2023
-
Samschti 17. Juni, am Eidgenössische Jodlerfest in Zug mitem Vortrag: „Obestimmig“ vom Josef Dubach. Üsi Uftrittszyt: 13.50 Uhr im Lokal A, Theater Casino Zug – Theatersaal
-
Sunndi 2. Juli, bi strahlendem Wätter ar Schaberpredigt oder we z`Wätter angers chunnt, im Kirchgemeindhus Wyssache
-
Sunndi 9. Juli, Bärgpredigt Meielisaup, Leissige
-
Samschti Abe, 29. Juli ab 19.00 Uhr & Sunnti, 30. Juli ab 11.00 Uhr fingt üsi aujährlechi Fritzefluhe Chiubi statt. Schön ufem Hoger obe, im gmüetleche Feschtzäut verwöhne mir öich mit Spis & Trank! Am Samschti bi rassiger Ungerhautig vode Eichenhof Örgeler us Langethau u am Sunnti mit Auphornkläng vom Duo Steinweid & fröhleche Jützi vom Jodlerchörli Wystäge, sit dir guet ufghobe bi üs. Öies Glück chöit dir am Sunnti Namitag bim Läbchueche- & Bluemezwirbele usechutzele… Mir fröienis über öie Bsuech!
-
Sunndi 1. Oktober, Ärntedankgottesdienscht ir Chiuche Wyssache
-
Friti 13. Oktober, Vereinsehrige im KGH Wyssache
-
Mit Blick Vorus: Üsi Konzärtdate für`s 2024 – Samschti 17. Februar 20.00 Uhr, Sunnti 18. Februar 13.00 Uhr & Friti 23. Februar 20.00 Uhr, begrüesse mir öich härzlech im KGH Wyssache zu üsem Ungerhautigsalass mit Theater. Nachtässe biete mir jewius am Samschti & Friti a, ab 18.30 Uhr. A üsne Aläss hei mir ke Platzreservation. Ganz sicher hets für Jedes äs gfröits Plätzli zum Sii. Mir fröie üs über Di bsuech!
